Onlinebasar til inntekt for Indonesia
Førstkommande søndag skal russen arrangere onlinebasar til inntekt for Indonesia. Anders, Trygve og Eivind fortel at dette er eit viktig prosjekt som kan bety mykje for lokalbefolkninga der. Med å støtte denne basaren er du med å gje indonesarar, med spesielt fokus på mødre, kunnskap om helse og hygiene. Håpet er at spedbarnsdødligheta skal gå ned og at fleire skal få det betre.
Russen har vore i Førde og Sogndal og samla mange flotte gevinstar. Blant anna kan du vinne drikkeflaske, servietter og telys, balholm, ryggsekk, reisegåvekort, sengesett og mykje meir! Anders, Trygve og Eivind håper at mange vil følgje dei under LIVE- sendinga klokka 1800 på søndag. Linken til basaren finner du under innlegget, og årer kjøper du lett under sendinga.
Vi ønsker dokke lykke til med basaren!
