Pil og boge i undervisinga

BU-klassen har hatt uteskule ei veke. Elevane planla og gjennomførte eit bursdagsselskap tilpassa 9-åringar. I dagane før bursdagsselskapet var det førebuingar, med blant anna sjølvlaga pil og boge og testing av desse. I tillegg spikka dei gode pinnar til grillinga.

Nokre tilsette vart inviterte til bursdagsfeiringa. Dei kom utkledd som 9-åringar til selskapet ute i Hakkespettskogen. Der sette BU-elevane i gang gjemsel, skattejakt, sporløype og skyting med pil og boge. I eit barnebursdagsselskap må det og vere mat, og dei serverte pølser som vi grilla, og banan med sjokolade i som vi varma på bålet. Det var god stemning, og det var tydeleg at dagen var godt planlagt av klassen.