Velkommen til foreldredag
Laurdag 29. mars inviterer vi til foreldredag. Høgdepunkta kjem tett som hagl denne dagen, med russen sitt misjonsløp kl. 12.30 og basar kl. 19.00 som absolutte toppar på ei rimeleg høg kransekake.
Men, det sluttar ikkje der. Vi får nemleg besøk av leiar i Misjonssambandet Ung, Hans Kristian Skår. Han skal ha temasamling med tema: Kva gjer Generasjon Z når dei er stressa? - og 11 andre facts om norske tenåringar. Det trur vi vert spennande! Hans Kristian skal også ha andakten på vårfesten.
Hans Kristian Skår er leiar av Misjonssambandet Ung. Foto: Norsk Luthersk Misjonssamband