Aldri for mykje jul
Denne helga har det vært jul på Sygna! På lørdag ettermiddag blei det arrangert juleverkstad i matsalen, og elevane strøymde til for å lage julekort, julepynt og pynte pepperkaker. Det var godt oppmøte og elevane koste seg.
Då kvelden kom kunne alle med god samvit setje seg ned for å sjå på julefilm. Det var fyr på ovnen, og med gløgg, pepperkaker og mandariner på menyen blei det ein behagelig kveld.
Som avslutning på helga vart det stelt i stand julecafe på sundag kveld. Møtesalen blei pynta med lys, og brownies og is blei servert, i tillegg til endå meir gløgg, pepperkaker og mandariner. I løpet av kvelden blei det vist julekalender, lekt pakkelek, og sist men ikkje minst fekk me sang av NIls Ola Standal.
