Besøk frå NLA Høgskolen
Vg3 har hatt besøk av Runar Eikhaug frå NLA Høgskolen. Gjennom leik og moro fokuserte han på nytten av god samhandling prega av delingskultur i elev-/studentkvardagen og i arbeidslivet.
Då elevane parvis skulle samle legobrikkar var resultatet magert – berre to poeng, men då gruppa fungerte som eitt lag samla dei inn heile 192 poeng.
Runar delte også bekymring over at vi ofte er så redde for å mislukkast. Vi må minne kvarandre på at første steg i læring ofte er feiling. Den kjente oppfinnaren Edison uttrykte dette tydeleg då han etter tusenvis av forsøk endeleg klarte å lage glødelampa, sa at han hadde gjort 3000 vellukka forsøk på korleis ein ikkje lager glødelampe.
Avslutningsvis viste Runar til det presset ungdom i dag lever under og siterte nokre oppmuntrande ord frå Bibelen: «Vær ikke bekymret». La ikkje presset utafrå kvele livsgleda!
Etter 40 effektive minutt fekk Runar med seg ein spontan applaus på ferda vidare.
Takk for besøket!
